Cherta di tarluies

Loop

Cherta dla desćiariedes eletriches (tarluies nibles-fonz y nibles-nibles) dla ultima 3 ëura, atualiseda uni 5 menuc.

Liënda:

  • tarluies de fonz (desćiarieda danter la nibla y la tiera)
  • tarluies de nibla (desćiarieda tla nibles da temporal)

Co funzionea pa l sistem de relevamënt di tarluies?

Sensor dla rë

Sensor dla rë CESI – SIRF®, tecnologia VAISALA

L Sistem Talian Relevamënt Tarluies, de proprietà dl CESI ie furmà da na rë de sensores che cuer dut l raion statel. I sensores recunësc l ciamp eletromagnetich dat ora da uni tarlui y tres sincronisazion GPS iel puscibl identifiché avisa l tarlui nstës. Acioche n posse ndividué la luegia dl tarlui muessel unì relevà tl medemo tëmp da almanco doi sensores. Aldò dl tëmp de percurënza y dla direzion dl’onda eletromagnetica possen pona calculé la posizion prezisa dl tarlui. La rë de relevamënt taliana CESI-SIRF® fej pert dla rë europeica EUCLID de prezijion auta, cun sensores che cuer a na maniera otimala uni stat europeich.

Prezijion dl sistem

Pervia di truep lëures de cunfront cun relevamënc ndependënc che ie unic fac àn pudù verifiché che la rëies SIRF y EUCLID registrea plu che l 95% di traluies nibla-fonz cun na prezijion tla lerch mesana de de 150 m. Danter l tarlui y si localisazion passel mé 2-10 secunc. Tosc do vën l tarlui localisà tla plata dl Servisc Meteorologich dla Provinzia cun n’atualisazion de 5 menuc.

Cherta dla spessënza di tarluies

Sun chësta cherta iel reprejentà la spessënza mesana dl tarluiamënt anuel sun l raion dla provinzia de Bulsan. La nfluenza di crëps ie da udëi scialdi bën.

Cherta dla spessënza di tarluies © CESI

Cherta dla spessënza mesana di tarluies sun l teritore. © CESI www.fulmini.it (Externer Link)