Radar, tarluies y satelit

La cherta mostra parametri defrënc dl’ultima trëi ëura y vën atualiseda uni cin menuc.

Radar dla prezipitazions: prezipitazions atueles. I culëures n reprejentea la ntensità. I dac vën dal radar sun l Gantkofel y ie njuntei dai dac radar svizeri.

Probabltà de tampesta: pusciblteies che l se  porte pro tampesta te perzentueles. I dac vën dal radar sun l Gantkofel. Nöia funziun atualmënter te fasa de test.

Grandëza di graniei de tampesta: La grandëza bonamënter majera de tampesta te zentimetri. I dac vën dal radar sun l Gantkofel. Nöia funziun atualmënter te fasa de test.

Tarluies: Desćiariedes atueles de tarluies, desferenziedes te tarluies a fonz ✖️ (desćiarieda danter nibles y tiera) y tarluies tla nibles ⏺ (desćiarieda tla nibles de temporal). I dac vën dal sistem de localisazion de tarluies Meteorage.

Cheder sateliter: Registrazions atueles dl satelit meteorologich europeich “Meteosat”, i dac vën da EUMETSAT y vën atualisei uni 15 menuc.

Nsci nuzëis la chertes meteo

La chertes meteorologiches interatives mostra dac georeferenziei per parametri defrënc: prezipitazions, curidura de nibles, temperatura, vënt, tarluies y, d’instà, tampesta. Uni cherta cuntën na lijënda che juda a liejer y nterpreté a drët i valores.

La chertes pieta:

  • funzions de zoom, 
  • relevamënt dla pusizion,
  • visualisazion a scherm ntier, 
  • reseté la visualisazion tres la icona Südtirol.

L slune dl’animazion (FPS) ndichea tan de imajes che vën reprodujedes uni secunt. Per ejëmpl mostra 2 FPS doi imajes al secunt per n’animazion che va plu plan y ie plu tlera. L ie puscibl crì ora danter 1 y 6 FPS. L’animazion possa unì nvieda via o metuda n paussa tres l pom aposta.

Tres l simbol dl maneslos possen fissé la preferënzes dates, ne mudan nia zoom, purzion visualiseda y trat de tëmp. Chësta funzion vel sibe per i dac de analisa sibe per la previjions y la sauridea l cunfront danter layer o mumënc de tëmp defrënc.

L ie ora de chël puscibl ativé l ajurnamënt automatich tres l simbol "refresh": ntan la navigazion vëniel ciarià uni 5 menuc imajes y dac nueves a na maniera da avëi for nfurmazions ajurnedes.