N cont de nëus

Dal 1996 iel tla Provinzia Autonoma de Bulsan - Südtirol n servisc meteorologich autonom. Dl prim ti univel pità a tlienc privac i publics n iede al dì ntan l’ena nfurmazions sun l tëmp y na previjion per i proscimi trëi, cater dis. Da n valgun ani sons n team meteorologich metù adum da trëi meteorologs. A chësta moda pudons śën pité nfurmazions meteorologiches per bën 365 dis al ann.

Tla Repartizion Prutezion contra l meldefuech y Prutezion zevila dla Provinzia Autonoma de Bulsan - Südtirol se portel pro na custelazion ideala ajache l ruva tlo adum trëi servijes che ie cunliei a na maniera strënta te ciamps defrënc. Chisc ie l servisc idrologich, l servisc prevenzion levines y l servisc meteorologich. Adum possa chisc trëi servijes se nuzé de ressurses sciche na rë ampla de muserazion, n radar dl tëmp sun l Gantkofel y nfurmazions a livel europeich.

A chësta moda iel garantì che l vënie fat previjions dl tëmp pusciblmënter prezises per i tlienc curian nce duc i autri bujëns de nfurmazion n cont dl tëmp da pert de d’autra istituzions publiches.

Sce ulessais ve mëter n cuntat cun nëus pervia de nfurmazions o prodoc speziei, pudëis nes arjonjer tres e-mail sota meteo@provinzia.bz.it.
Oradechël nes fejel plajëi giapé nfurmazions y prupostes da pert de nosc tlienc y son for davierc per uni sort de critica costrutiva.

Team atuel dl servisc meteorologich provinziel

Meteorologs: Günther Geier, Dieter Peterlin, Philipp Tartarotti y Lukas Rastner.
Tecnich radar: Mauro Tollardo