Südtirol
Previjion per ncuei, mierculdi 09/07/2025
De viers dl sud drët da surëdl
Situazion dl tëmp n generel
Da nord-vest vëniel menà adalerch masses d'aria tumia tla Elpes, n cont dl tëmp ie l Südtirol vantajà.
L tëmp ncuei
Tla pert tl nord dla provinzia iel n iede bëndebò asniblà, sëura la cresta prinzipela dla Elpes iel plutosc instabil. Tl sud dla provinzia iel n generel da surëdl cun mé puecia nibles de puech cont. Tl a valedes tl nord dla provinzia iel n vënt dal nord frësch. La temperatures avanea n pue' y arjonj 18° tla Val d'Isarch auta y 27° a Bulsan.
Previjions per duman, juebia 10/07/2025
N generel da surëdl y n pue' plu ciaut
Situazion dl tëmp n generel
La curënta auta dal nord se mantën inant, ma l vën menà adalerch for plu masses d'aria sutes y ciaudes.
L tëmp duman
N juebia scumëncia l di bel da surëdl, mé sun l cunfin cun l Tirol dl nord iel mo asniblà. Via per l di passel nce tl sud dla provinzia tres vel' banch de nibles, ma i resta de puech cont. Do na duman frëscia va la temperatures su arjunjan valores de al plu 21° tla Val d'Isarch auta nchin 29° tla Val d'Adesc bassa.
Previjion di proscimi dis
L vën plu da surëdl cun vel' nibla
N vënerdì iel n generel da surëdl, domesdì se asniblel n pue' ite y l possa unì a se l dé vel' temporal. N sada iel cundizions da d'instà cun danmesdì truep surëdl. Via per l di se svilupeiel pona vel' nibla a grum y domesdì pudëssel se purté pro vel' smiz o temporal. N dumënia iel n iede plajëul, domesdì possel unì vel' temporal. N lunesc vala inant bel da surëdl. La puscibltà de temporai ie bassa y la temperatures ie da d'instà.
Dat ora ai: 09/07/2025, 11:00
